|
Og svo aftur nammi nammi nammi. Ég var að klára að borða og bara varð að deila þessari uppskrift með ykkur! Var búin að ákveða að hafa súrsætt svínakjöt í kvöldmatinn og fann uppskrift á síðu hjá einhverri ykkar, en átti svo afskaplega takmarkað af því grænmeti sem var talið upp þar. Ég sullaði þá bara hinu og þessu saman og úr varð þessi svakalega góði súrsæti réttur! Athugið að þetta var mallað ofan í karl og konu (hann fékk 190gr af elduðu kjöti og ég 150gr =340gr, þetta voru 540gr af hráu kjöti svo það rýrnar töluvert við suðu!) *1 pakki svínagúllas (rýrnar töluvert við suðu!) Svínakjötið sett í pott, vatn látið fljóta yfir, salti og pipar bætt út í og svínakjötskrafti. Látið sjóða í ca 30 mín, því lengur, því mýkra verður það. Gulrætur skornar niður og settar á pönnu með 2tsk olíu. Leyfa þeim að stikna meðan hitt er skorið niður. Bætt við papriku og lauk og því leyft að stikna þar til laukurinn er orðinn gylltur. Þá er sveppunum bætt ofan í (þarf auðvitað ekki að vera í þessari röð en gulræturnar og paprikan hafa lengsta eldunartímann). Þessu er leyft að malla á pönnunni þar til sveppirnir eru orðnir eldaðir. Þá bætti ég ananasinum og safanum af honum út í grænmetið. Skar ananasinn í litla bita fyrst. Leyfði þessu að malla meðan ég opnaði dós af tómatpúrru og setti 60gr af henni út í pönnuna. Hrærði öllu saman, bætti edikinu, sítrónusafanum, sinnepinu og sætuefninu út í og leyfði þessu að malla. Notaði svo vatn til að þynna betur út púrruna. Veiddi kjötið uppúr og vigtaði það. Skellti því út í grænmetissullið og sósuna og leyfði því að malla á meðan ég sauð hrísgrjónin. Ég segi sko bara Uncle Ben's what???!!!! Endilega prufið þessa uppskrift, sjúklega góð. Þetta eru samt 4 krossar í extra fyrir hvorn aðila, sinnepið og púrran. En vel þess virði! Dagurinn búinn að vera 100%, reyndar 150%. Mín var meira að segja svo dugleg að skella spólu í videoið og taka 45 mín líkamsrækt Áfram ég! og auðvitað áfram þið! Sjáumst í vigtun á morgun ;) | ||||||||||||||||||||||||||||||||||||||||||||||||||||||||||||||||
